Խաղերի մասին

Ինչ են Հայկյան Խաղերը

Հայկյան Խաղերը ազգային մրցութների միասնական հարթակ են, նվիրված հայոց նախնյաց՝ Հայկ Նահապետի հիշատակին։

Հայկյան խաղերը (Նավասարդյան խաղերը) Հայաստանում անցկացվող ազգային բաց Դելֆիական խաղերն են, որոնք միավորում են արվեստը, մշակույթը և հոգևոր արժեքները։

Խաղերը նպատակ ունեն պահպանել ու զարգացնել ազգային մշակույթը, խթանել ստեղծագործական ներուժը, ինչպես նաև նպաստել երիտասարդների ինքնաճանաչմանն ու հոգևոր զարգացմանը։

Ուղերձ այցելուներին

Հարգելի՛ պարոնայք,

Ինչպես բոլորս գիտենք, 21-րդ դարի աշխարհը կանգնած է հոգևոր արժեքների լուրջ ճգնաժամի առջև։ Աշխարհում գործում են բազմաթիվ՝ հայտնի և անհայտ, խոշոր և փոքր հիմնադրամներ ու հասարակական կազմակերպություններ, որոնք իրենց գործունեությունն ուղղում են հոգևոր և մշակութային ժառանգության պահպանմանն ու զարգացմանը։

Մի շարք զարգացած երկրների առաջատար մտավորականների նախաձեռնությամբ ստեղծվել է մի ծրագիր, որի նպատակն է խթանել և զարգացնել մարդկության հոգևոր ու մտավոր կյանքը։ Այդ ծրագիրը միջազգային Դելֆիական շարժումն է, որին վերջին տասնամյակների ընթացքում միացել են ավելի քան հարյուր պետություններ։ Դելֆիական խաղերը, ըստ էության, հանդիսանում են Օլիմպիական խաղերի մշակութային համարժեքը և համարվում են վերջին տասնամյակների ամենաարդյունավետ ու ռազմավարական մշակութային ծրագրերից մեկը։

Հայաստանը Դելֆիական շարժման անդամ է 1992 թվականից։ 2000 թվականից սկսած՝ Հայաստանը բազմիցս մասնակցել է տարբեր երկրներում անցկացվող ազգային և միջազգային Դելֆիական խաղերին՝ արժանանալով բարձրագույն պարգևների և ունենալով նշանակալի դեր ու ազդեցություն շարժման գործունեության մեջ։ Դրա վառ օրինակն է 2010 թվականին Երևանում անցկացված ԱՊՀ երկրների միջազգային բաց Դելֆիական խաղերը, որոնք կազմակերպվեցին բարձր մակարդակով։ Այդ մրցույթում Հայաստանը նվաճեց 14 ոսկե մեդալ և զբաղեցրեց առաջին հորիզոնականը։

Դելֆիական կոմիտեն, հաշվի առնելով Հայաստանի բազմադարյա պատմությունը, հարուստ մշակույթն ու դիցաբանությունը, որոշել է ազգային բաց Դելֆիական խաղերը կոչել «Նավասարդյան խաղեր»։

Հաշվի առնելով մեր փոքր, սակայն մեծ մշակութային ժառանգություն ունեցող երկրի առջև ծառացած մարտահրավերները՝ դիմում ենք Ձեր բարի կամքին և աջակցությանը՝ նպաստելու Հայաստանում Նավասարդյան շարժման զարգացմանը։ Վստահ ենք, որ այս նախաձեռնությունը կարևոր նշանակություն ունի ոչ միայն որպես հոգևոր սնունդ, այլև որպես ազգային ինքնաճանաչման, ինքնության պահպանման և ինքնահաստատման կարևորագույն հարթակ։

Մրցութային ոլորտներ

Երեք Սյուներ

Երաժշտություն

Ազգային ավանդական և ժամանակակից երաժշտություն՝ դուդուկ, շարական, դաշնամուր, ջութակ, երգ։

Արվեստ

Գեղանկարչություն, պար, թատրոն, քանդակագործություն, ֆիլմ և ժամանակակից արվեստի ձևեր։

Գրականություն

Պոեզիա, արձակ, թարգմանչական արվեստ, ասմունք, դրամատուրգիա և երիտասարդ գրողների մրցույթներ։

Մեր մասին

Կազմակերպություն և Առաքելություն

Մենք հայկական ոգու և կրեատիվ պոտենցիալի պահպանպան միավորում՝ արվեստի և գրականության միջոցով։

Մեր Առաքելությունը

Մրցույթի առաքելությունը ազգային մշակույթի, արվեստի և հոգևոր արժեքների պահպանումն ու զարգացումն է, երիտասարդ ստեղծագործողների բացահայտումը, ինչպես նաև ստեղծագործական և մշակութային համագործակցության խթանումը Հայաստանում և միջազգային հարթակներում։

Մեր Հիմնադրությունը

Մեր հիմնադրությունը հասարակական և մշակութային նախաձեռնություն է, որի նպատակն է աջակցել Հայկյան խաղերի կազմակերպմանը, պահպանել և զարգացնել ազգային մշակույթն ու հոգևոր արժեքները, բացահայտել երիտասարդ տաղանդներին և նպաստել Հայաստանի մշակութային կյանքի առաջընթացին՝ համագործակցելով տեղական և միջազգային գործընկերների հետ։

Մեր Արժեքները

Ազգային ինքնության պահպանումը, մշակութային ժառանգության նկատմամբ հարգանքը, ստեղծագործական ազատությունը, կրթությունը, համագործակցությունը, երիտասարդների զարգացումն ու համամարդկային հոգևոր արժեքների տարածումն են։